有樓，無樓就係咁簡單

回顧呢3年樓市, 說出心裡話, 其實是好煩......我決定要開心做人

[隱藏]

轉載自: simonw0711

原文按此  source

2009年12月, 我買了青衣一私人屋苑自住, 當時海嘯後樓市還是好靜, 而銀行借貸開始放寬了, 於是買下青衣一私人屋苑, 638呎218萬自住,
之後樓市開始了升浪, 不到一年後升幅達20%以上, , 於是放盤諗住換樓, 最終以268沽出, 一年唔夠未扣洗費賬面上賺了約50萬元, OK啦.

就在我收大訂之日, 2010年11月19日政府出招推出印花稅SSD, 我寒了一寒, 但買家沒撻訂, 我當然偷笑, 反而我自己卻嚇窒了, 沒有再入市,
思量一番後求其1萬元找個租盤住住先, 好了, 歐債危機從希臘開始燃燒,  攪到個市真是靜了下來, 但樓價沒有真正大潟下來, 只是多一點議價空間而已,
沒有什麼成交是真的, 班AA都曾經食風2-3個月攪到要遊行是真的......當時約是2011年2,3月的事.

歐債危機越演越烈, 5豬相繼傳出壞消息, 我當然更加不入市, 繼續交租睇下戲先, 之後半年果D 歐債危機時好時壞, 比佢玩死, 每天都在想入市還是不入市, 攪到個人傻傻地.....
話爆唔爆又爆又唔爆已經一年, SSD開始被人遺忘, 或許那真是趕走了一班摩貨炒家而已, 但到底有沒有從高位跌了20%? 我好似唔多覺.

今年2月過左年, 我行街睇到荃灣爵仔某單位都幾中意, 又養得狗, 回想已交了一年的租約12萬, 唔想再無了期地交下去, 於是337買下爵仔613呎. 再者, 原來有樓變冇樓, 個心好冇安全感的,
揸住CASH個心15,16, 又唔敢洗....乜都唔敢做......拿去搏下其他野(如股票外匯黃金死得仲快), 攪到個人成日左計右計, 左估右估, 唔會開心.....

都算好彩, 果頭下了細訂一星期後, 個市唔知做乜開始回暖,其後飈升, D人要排隊睇樓, ......之後AA話冇盤了. 我4月正式入住時, 樓價已升5%, 至今已升8-12%, 而且是冇盤. 我又偷笑了....不過: 唔好唔記得, 我之前放了的自住樓在一年間升了25%, 於是我又好唔得閒, 日日在計"如果"唔放E+會點..........
**我所說的升幅是"有成交"為準.

昨日, CY準備出招了, 又唔G會發生乜野事, 自不然又去估下諗下......

結論: 頭尾不足3年, 我從淡友變好友, 好友變淡友, 淡友又變好友, 好友又變淡友.....就來性格分裂了, 哈哈
錢, 原來沒有少了, 但也沒有多了. 卻毛端端搬了兩次屋...又要比人睇樓, 又要去睇樓, 又要裝修一下, 又要重新攪按揭, 又要等批, 又要同老婆意見上頂兩句.......更加要留意每日的經濟新聞.....其實是好煩好煩......


升左又有餘錢就加按買多間，跌就繼續自住供樓當儲錢，就係咁簡單~ 

賣自住樓，等於同市場賭錢一樣，而時間越長，就越難翻身。同時亦唔會得到社會同情及支援。
而當有日你上返車時，發現與你同時上車既人，越供越輕鬆，按息Plan又正，又供左357年，隨時又買緊笫2間tim。
最重要係睇翻自己，三十幾歲人先上返車，身邊又多左個細路。唉！仲供三十年？？

發展商試過2005年5月擘價賣樓...睇過示範單位都滿意， 但係就驚佢仲跌， 最後都放棄咗， 所以任何時候， 自己嘅決定同信心最緊要， 往往輸贏在於瞬間一念。

現今世界, 連各國領袖, 財長都估唔到出年, 出出年.....會發生什麼事.....個個都是兵來將擋罷了.

專業人士, 如律師, 銀行, AA意見可聽不可盡信. 當收風.
N年前的經驗E+可能唔合時, 最後決定在自己.

2003年買了第二間, 每年都會像上癮一樣看樓買樓
每年都會買, 有時買多於一間
2011年買的那間已有中央正面資料庫, 結果被銀行問到口啞啞你到底有多少間
最終只借4成過關
2012年只買了一個FP車位...我打工仔一名, 應該借不到錢了


講得真, 拎住舊錢, 真係唔敢去買股票, 就算睇o岩市, 好少話一買就見底回升....如果買三百萬股票, 個市一日跌幾百點, 脹面可以一日唔見十幾個, 果種感覺都真係幾難頂.

04/2011 前買 &沒有轉按，中央正面資料庫是沒有紀錄. 今次無論+按 (即是"自己+自己按息")or 買樓要上'正面信貸資料庫"(即是"自己出賣自己私隱") 自己想清楚